Exodus 21
12Iahova biteni mi Mosis bit:“Moletin tei xa bas moletin tei mat, xi mun lihasi imat. 13E xosxa tanem ti vahit vapol ni, e inou tang namaen sexien ak mistal, ma xi mikila ilesae ha ite rute sav xa inou nipisen ni mi xamim. E rute ak, mikila ita ihos en e vatimol na ngan xa temat lasakras lava lavas vini en. 14E xosxa moletin tei en nggat pangas moletin sav tei e pol xuxus ni nenemien nan tengan vahasi vamat, ma di, bas vini; moletin ak, xi mun lihasi imat. Tave ti neta xosxa iha imurur e hor te sanien navan tengan vasis esaeen navan mu moletin sav xil, litali rati ha lihasi imat.
15Xosxa moletin tei bas pangas tamen mu ninin, ma lihasi imat.
16Xosxa moletin tei mikan ni moletin sav tei tengan mei vahe slev nan mu tengan vapos ni vahe slev na mosav, ma lihasi imat.
17Xosxa moletin tei isuhol tamen mu ninen, ma lihasi imat.
Copyright information for
TVK